Да дня роднай мовы, які адзначаецца 21 лютага ў Ардзянскай сельскай бібліятэцы-клубе адбылося гучнае чытанне «Дзіўны свет беларускай казкі». Пад час мерапрыемства дзеці даведаліся аб тым, што чытанне беларускіх народных казак вучыць мудрасці, развівае мышленне, увагу і памяць. А потым увазе дзяцей была прапанавана цудоўная казка «Разумная дачка», пра смелую, працавітую і разумную дзяўчынку. Прысутныя актыўна абмеркоўвалі прачытанае, адказалі на пытанні і адгадалі загадкі па казцы. Напрыканцы мерапрыемства чытачым было прапанавана знаёмства з выставай кніг «Жыла-была казка…».
«Дзіўны свет беларускай казкі»
