У Заастравецкай сельскай бібліятэцы прайшоў дзень прафарыентацыі. На гадзіну зносін са школьнікамі “Прафесіі. Што гэта такое?” была запрошана эксперт экспертна-крыміналістычнага сектара па Клецкаму раёну старшы лейтэнант юстыцыі Петрусевіч Ксенія Аляксандраўна. Прадстаўнік камітэта судовых экспертыз расказала дзецям пра складанасці, але пры тым жа неабходнасці і важнасці гэтай прафесіі, спынілася на тым, дзе можна атрымаць такую спецыяльнасць, і што трэба абавязкова быць законапаслухмянымі грамадзянамі. А некаторыя моманты са сваёй паўсядзённай работы Ксенія Аляксандраўна прадэманстравала на практыцы, чым вызвала непадробную цікавасць і захапленне ў дзяцей. Прыходзьце і вы ў бібліятэку, і вам адкрыецца цікавы свет.
“Прафесіі. Што гэта такое?”
