Заканчваюцца цёплыя асеннія дзянькі, і, на жаль, вельмі хутка на змену радаснаму сонцу прыйдзе дажджлівае надвор’е. Пагэтаму чарговую сустрэчу інтэлектуальна-пазнавальнага клуба “Юны акадэмік”, які дзейнічае пры Заастравецкай сельскай бібліятэцы, адзінагалосна было вырашана правесці на свежым паветры. Бібліятэчны нефармат “З навукай мы сябруем” атрымаўся не толькі інтэлектуальным і павучальным, але і крэатыўным, радасным, эмацыянальным і самым шчаслівым. Спачатку сумесна быў абмеркаваны маршрут падарожжа, адабрана патрэбная літаратура і, канечне ж, паўтораны правілы язды на веласіпедзе і бяспечных паводзін ля вадаёмаў. Станоўчым эмоцыям дзяцей у гэты дзень не было канца! Асабліва, калі былі знойдзены і разгледжаны расліны і земнаводныя, што сустракаюцца ў кнігах па экалогіі.
Бібліятэчны нефармат “З навукай мы сябруем”
