У чытальнай зале раённай цэнтральнай бібліятэкі працуе выстава творчых работ Казлоўскага Сяргея Казіміравіча – дырэктара дзяржаўнай установы “Клецкая раённая цэнтральная бібліятэка”. Яго працы ўражваюць сваёй непаўторнасцю і прыгажосцю, сведчачы аб тым, што і сёння існуе непарыўная сувязь пакаленняў, дзякуючы якой жывуць гістарычныя традыцыі нашых прадзедаў. На выставе экспануюцца: карціны напісаныя маслам, разьба і роспіс па дрэве, тканыя паясы на дошчачках і на бердачку, вышыўка крыжыкам, выцінанка.
Адыходзяць у іншы свет нашы родныя і блізкія, а майстэрства, створанае іх таленавітымі рукамі жыве і чаруе сваёй прыгажосцю. На выставе прадстаўлены коўдры сатканыя матуляй Сяргея Казіміравіча.
Пазнаёміцца з вырабамі майстра можна на выставе ў бібліятэцы, а таксама паглядзеўшы праграму “Добрай раніцы, Беларусь!” са Святланай Бароўскай чацвёртага лютага ў 9 гадзін 10 хвілін.
