24 мая супрацоўнікі Клецкай раённай цэнтральнай бібліятэкі ладзілі юбілейную творчую вечарыну паэта, члена Саюза пісьменнікаў Беларусі, сябра Мінскага абласнога народнага калектыва аўтарскай песні і паэзіі “Жывіца” Галіны Нупрэйчык.
Кіраўнік “Жывіцы”, член Саюза пісьменікаў Беларусі і Саюзнай дзяржавы, вядомы літаратар, музычны і грамадскі дзеяч Ірына Аляксандраўна Карнаухава казала аб Галіне Нупрэйчык, як аб прафесійным, таленавітым, мэтанакіраваным і пазітыўным чалавеку.
Галіна Іосіфаўна – член Саюза пісьменнікаў Беларусі з 2014 года. У яе актыве – зборнікі вершаў “Пясчынкі часу”, “Вясёлкі ў расінках”. У кожным калектыўным зборніку “Жывіцы” друкуюцца і вершы нашай зямлячкі.
Сярод гасцей – Тамара Іванаўна Кашчэва, член Беларускага саюза музычных дзеячаў, аўтар-выканаўца, ганаровы грамадзянін горада Фаніпаля, дыпламант розных конкурсаў, аўтар многіх песенных зборнікаў, Таццяна Каленік – вядомая пісьменніца, мастак, член Саюза пісьменнікаў Беларусі, кіраўнік літаратурнага аб’яднання “Слова” пры Мінскай нотна-музычнай бібліятэцы, Зоя Мікалаеўна Капуста—Кулік– сябра Саюза пісьменнікаў Беларусі і Саюзнай дзяржавы, сябра Міжнароднай асацыяцыі пісьменнікаў і публіцыстаў, аўтар і вядучая праграмы “Вас вітае Беларусь”, таленавітая пісьменніца, вядучая Міжнароднага радыё “Страна талантов”, уладальніца узнагароды “Голубь мира”, Людміла Антанюк– паэтка, спявачка, удзельніца “Жывіцы”, Людміла Круглік– член Саюза пісьменнікаў Беларусі і Саюзнай дзяржавы, сябра “Жывіцы”, таленавітая пісьменніца з Дзяржынска,Таццяна Яцук— вядомая беларуская пісьменніца, перакладчыца, член СПБ, кіраўнік Баранавічскага літаратурнага аб’яднання “Купальскія зоры”, Іван Міхайлавіч Бобка – наш зямляк, актыўны ўдзельнік “Жывіцы”, Аляксандр Жукоўскі– паэт-песеннік, паэт-гумарыст, таленавіты, які доўгі час узначальваў Клецкае літаратурнае аб’яднанне “Голас” і шмат для яго зрабіў, Таццяна Канстанцінаўна Цвірко– чыё імя знаёма не толькі жыхарам нашага раёна, але і далёка за яго межамі, сябра абласнога клуба паэтаў і кампазітараў “Жывіца”, член Саюза пісьменнікаў Беларусі, пераможца шматлікіх літаратурных конкурсаў, Вольга Лабажэвіч– наша клецкая паэтка,цудоўны спявак, паэт, бард Аляксей Лапата, Віктар Худавец, мясцовы паэт, мастак-манументаліст.
З самага пачатку мерапрыемства зала напоўнілася шчырай энергетыкай і пазітывам. Паэт расказала пра сваіх дарагіх сэрцу людзей, сваю малую радзіму, сваю працу, захапленні. Прагучалі вершы і пераклады.
Падтрымалі яе сваімі песнямі Алена Жукоўская, Мікалай Закрута, жаночы вакальны калектыў “З песняй па жыцці”. Час сустрэчы праляцеў незаўважна, а добры настрой застанецца надоўга.
