Да Міжнароднага дня аховы навакольнага асяроддзя, з мэтай пашырэння кругагляду дзяцей пра прыроду і экалогію, выхавання пачуцця любові і павагі да навакольнага асяроддзя, фарміравання экалагічнай граматнасці ў Заастравецкай сельскай бібліятэцы прайшло кніжнае падарожжа “Запаветная прырода – свет прыгажосці і велічы”. Сустрэча праходзіла ў форме брэйн-рынгу, і дзвюм камандам трэба было выканаць заданні наступных тураў: “Эколагі”, “Дазваляецца, забараняецца”, ” Чорная скрыня”, “Капітан, усміхніся”, “Загадкі” і “Экалагічны плакат”. Справіліся ўсе на выдатна, але, па колькасці набраных жэтонаў і меркаванні журы (настаўнік пачатковых класаў Аўдзей Святлана Валянцінаўна) перамагла каманда “Гаспадары планеты”. Далучайцеся і вы да нас, і вам адкрыецца непаўторны і цікавы свет прыроды.
“Запаветная прырода – свет прыгажосці і велічы”
