Працягваюцца вясеннія канікулы ў дзяцей – самы час успомніць кнігі, якія вучаць дабрыні, міласэрнасці, ветлівасці і дружбе. І тут у дапамогу – Заастравецкая сельская бібліятэка, так як самыя лепшыя і цікавыя кнігі знаходзяцца толькі ў нас. А на гульні-падарожжы “Кнігі – нашы сябры”, на якую завіталі цікаўныя дзеці, можна было не толькі выбраць самую незвычайную кнігу для прачытання, але і пагуляць у любімыя казкі, успомніць літаратурных герояў, адгадаць казачныя загадкі і нават пабываць фантазёрамі. Прыходзьце і вы да нас, чытайце кожны дзень, чытайце з задавальненнем, і перад вамі адкрыецца цэлы свет!
“Кнігі – нашы сябры”
