14 лютага адзначаецца Міжнародны дзень дарэння кніг. Да гэтага дня Заастравецкая сельская бібліятэка штогод праводзіць акцыю “Прачытаў сам, няхай прачытаюць і іншыя”. Дзякуючы пастаяннай акцыі, фонд бібліятэкі значна папоўніўся мастацкай, навуковай літаратурай і цікавымі часопісамі. У гэтым годзе, дзякуючы неабыякавым да дзейнасці бібліятэкі людзям, у культурным цэнтры аграгарадка з’явіліся не толькі новыя кнігі і часопісы, але і творчыя працы, і пакаёвыя кветкі, і цікавыя рэчы побыту нашых продкаў. Абавязкова завітайце да нас, і перад вамі адкрыецца цэлы свет.
Акцыя “Прачытаў сам, няхай прачытаюць і іншыя”
