Клуб “Юны акадэмік”, які дзейнічае пры Заастравецкай сельскай бібліятэцы, запрасіў сваіх сяброў у творчую лабараторыю “Я здароўе зберагу – сам сабе дапамагу”. Дзякуючы медыцынскай сястры ўчастковай бальніцы Кішко Кацярыне Сельвестраўне, сустрэча аказалася па-сапраўднаму цікавай, пазнавальнай, змястоўнай і эмацыянальнай! Члены клуба на практыцы вучыліся аказваць першую дапамогу пацярпеламу ад розных выпадкаў: знаходзілі пульс, накладвалі шыну, дапамагалі пры абмаражэнні і пераахалоджванні, разбіраліся з лекамі, якія змяшчае аптэчка і нават паспрабавалі зрабіць масаж сэрца і штучнае дыханне)) А набытыя ў ходзе сустрэчы ўменні, з радасцю замацавалі ў гульні “Здароўе + і -“. Далучайцеся да нас, і мы абяцаем, што вам адкрыецца цэлы свет.
“Я здароўе зберагу – сам сабе дапамагу”
