11 студзеня адзначаецца Міжнародны дзень “дзякуй”. Гэта слова так трывала ўвайшло ў наша жыццё, што часта мы зусім не звяртаем на яго ўвагу. А як важна ў нашым жыцці дзякаваць адзін аднаму! Ці ведаеце вы, што слова “дзякуй” можна сказаць не толькі чалавеку, але і…кнізе. Заастравецкая сельская бібліятэка ўпэўнілася ў гэтым, наведаўшы ўстанову адукацыі. Школьнікам было прапанавана прыняць удзел у акцыі-пошце “Дзякуй кнізе за…”: прынесці сваю любімую кнігу, пазнаёміць яе са сваімі сябрамі і напісаць, за што можна сказаць “дзякуй” сваёй любімай кнізе. Жадаючых (нечакана!) аказалася вельмі шмат, і, прааналізаваўшы адказы , высветлілася, што дзеці ўдзячны кнізе за розум, за тое, што яна вучыць чытаць, за сустрэчу з цікавымі героямі, і нават за прыгожыя малюнкі. Прыходзьце і вы ў бібліятэку, чытайце цікавыя кнігі, гаварыце ім “дзякуй” – і вам адкрыецца цэлы свет.
Акцыя-пошта “Дзякуй кнізе за…”
