Новы год! Новы год!
Пачынаем карагод!
Закружылася ля ёлкі
Наша дружная сям’я.
Закружыліся іголкі,
Закружылася зямля,
Закружыўся белы дзед,
Закружыўся цэлы свет!
А на ёлцы – цацак, цацак!
Рыбкі, дырыжаблікі.
Нібы росныя, іскрацца
На галінках яблыкі.
І дрыжаць-зіхцяць яны,
Срэбраныя бусы.
Дзед цукеркі раздае
Ды смяецца ў вусы.
Ужо добрай традыцыяй у рамках навагодняй дабрачыннай акцыі “Нашы дзеці” стала віншаванне Заастравецкай сельскай бібліятэкай з надыходзячым святам самых маленькіх жыхароў аграгарадка – выхаванцаў дзіцячага сада. Не стаў выключэннем і гэты год! У казачных ролях Снегавіка, Ліскі і нават самога Дзядулі Мароза загадчык бібліятэкі разам са сваім актывам (Баба-Яга і Снягурачка) прымалі актыўны ўдзел у віншаванні дашкалят.
Навагоднія віншаванні дашкалят
