Ні дня без кнігі!

З мэтай папулярызацыі чытання сярод дзяцей малодшага школьнага ўзросту ў Заастравецкай СБ была праведзена экскурсія па бібліятэцы для вучняў першага класа мясцовай школы. Загадчык бібліятэкі Наталля Чыркун расказала рабятам аб гісторыі бібліятэкі, пазнаёміла  з кніжным фондам, асаблівую ўвагу засяродзіла на аддзеле літаратуры  для самых маленькіх чытачоў. Дзеці з задавальненнем праслухалі павучальную і змястоўную  інфармацыю,  праглядзелі мастацкую і даведачную літаратуру, пагарталі часопісы для дзяцей. ”Ні дня без кнігі!” –  такім дэвізам завяршылася знаёмства першакласнікаў з сельскай бібліятэкай.